Təlimçi və espert kimi tanındılan Pərvin Əsədov bu gün, sentyabrın 11-də Report agentliyi ilə yayımlanmış müsahibəsində vətəndaşların internetə çıxışının məhdudlaşdırılmasının vacibliyindən danışır. Görünür, təsadüfi deyil. Əvvəllər də Milli Məclisin deputatları bənzər fikirlər səsləndiriblər. Pərvin Əsədovdan qabaq eynən həmin cümləni bir neçə il qabaq deputat Siyavuş Novruzovdan eşitmişik. Vətəndaşların internetə girişinə nəzarətin vacibliyini çox vaxt “pis təsirlərə düşməyin” qarşısını almaqla əsaslandırırlar. Mətbuat Şurasının sədri Aflatun Amashov 2018-ci ildə bənzər təşəbbüslə çıxış eləmişdi: “Kütləvi informasiya vasitələri haqqında” qanuna düzəliş edilməli, KİV-lərin təkrar qeydiyyatı aparılmalı, internet media resurslarının KİV olaraq dövlət qeydiyyatından keçmələri təmin olunmalıdır”. (Oxu.az, 17 iyul.) Bundan qabaq o demişdi ki, “ayrı-ayrı şəxslərin təsirinə düşməməsi üçün internet mediaya dövlət dəstəyi şərtdir”. Dəstək də deyərkən, vətəndaşın internetdən istifadəsini məhdudlaşdırmaq nəzərdə tutulur. Xarici radio dalğalarını qarışdıran SSRİ-dən, sputnik antennalarına qarşı reydlər keçirən İrandan tanışdır bu nəzarət məsələsi.
